Акупацыя Zнутры

... О так! Я - пралетар!..
Яшчэ учора раб пакутны -
Сягоньня я зямлі ўладар
І над царамі цар магутны!

Мне бацькаўшчынай цэлы сьвет,
Ад родных ніў я адвярнуўся...
Адно... ня збыў яшчэ ўсіх бед:
Мне сьняцца сны аб Беларусі!

(с) Янка Купала, 1924

Калі чытаюць лекцыі пра нанаробатаў, нанамэханіку і да тп., узгадваецца атмасфэра НОМаўскага альбома "Во имя разума".

Ці будуць расейцы пісаць тунэльным мікраскопам на інтэгральных схемах слова з трох літар ?

актываваў смс-роўмінг, але ўсе расейскія апэратары адмаўляюцца перадасылаць смс-кі.
а сайт вэлкома не адчыняецца!
імпэрыя ў агоніі.

Вось едуць танкі
у накірунку Вільні.
Ці хутка парад?

А мне да спадобы такая апіска Эўрарадыё:

Мініадукацыі зліквідавала рэгіянальныя філіі ВНУ на 1500 студэнтаў

Рамуальд Траўгут напісаў: «ІГУМЕНСКІ ШЛЯХ. 28 чэрвеня сябры КХП БНФ ладзяць штогадовыя мэмарыяльныя мерапрыемствы паблізу г. Чэрвеня (былы Ігумен). Быў атрыманы дазвол на правядзенне мітынгу і шэсця ад мясцовых уладаў. Цэнтралізаваны збор адбудзецца а 10:30 каля Інстытута культуры. Адтуль на арэндаваным аўтобусе мы рушым у г. Чэрвень.

http://community.livejournal.com/palityka/125377.html

tādā lietū akmens plaukst...

які сэнс енчыць аб тым, што "мне яны, сукі, нічога не далі", калі сам нічога не прасіў і не намагаўся атрымаць, ды сам ня ведаў, чаго жадаў? нейкая ў гэтым нясьпеласьць, дзяцінства, калі ўсе табе нешта абавязаныя даваць.

Беларуская чыгунка абвясьціла конкурс на найлепшую назву для хуткага цягніка №85/86 "Менск-Кіеў".

Свае варыянты можна даслаць да 19 чэрвеня са старонкі http://www.rw.by/index.php/.346.0.0..0.0.0.html

Спадзяюся, што ў кагосьці атрымаецца прапанаваць мілагучную й ладную назву - мая фантазія тут пакульшто ніяк ня выявілася.
А цягнічок, дарэчы, прыпазьніўся аднаго разу ў Менск на 2 гадзіны - пад Жлобінам ляснуў лакаматыў.

Цяпер і на вуліцах Беларусі проста так піўка не пажлукціш.

Няхай жа напоўняцца радасьцю сэрцы бэхэдэкаў ды той часткі скептыкаў, якія трымаюцца тэзы "з гэтым народам інакш нельга, пакараньне трэба наогул больш жорсткае"

Засьвяціліся з фрэндам на ці то тэле-, ці то відэаздымках нейкай замежнай "панарамы".
Хай ведаюць, што ў Беларусі ўмеюць ня толькі даіць кароў, карміць сьвіньней і вырабляць трактары з самазваламі, але й сядзець за кампамі каля растравага электроннага мікраскопу й імітаваць бурную навуковую дзейнасьць.
Ці заплоцюць ганарар:))))))?

дык ГЫХ!
не мінула й колькі гадоў, але толькі сёньня навучыўся карыстацца bluetooth.
цяпер юзаю трубу у якасьці мадэма й умею загружаць на яе карцінкі с сіськамі, як самы рыальный пацан.

Учора, стаўшыся для сястры гідам-шляхаводам па квітнеючай беларускай сталіцы, давялося завітаць у новы будынак журфаку. Знутры выглядае не раўнуючы як карабель з каютамі-кабінэтамі (на фізфаку, напрыклад, наадаварот - ілюмінатары на дзьврох ствараюць уражаньне, што, йдучы па калідоры, знаходзісься па-за бортам). На пытаньне "а чаго тут такія ліфты доўгія?", амаль ня думаючы, сказаў: "каб труну было зручна заносіць".

Лінгвістычная сьвядомасьць дакацілася да стадыі, чаканай для многіх беларускамоўных.
Папрасілі перакласьці навуковы артыкульчык з ангельскай. Спрабаваў зрабіць пераклад на нармальны обшэчэлавечавечаскі язык. Напрыканцы другога абзаца зразумеў, што гразну ў неўласьцівых мысьленьню сінтаксычных і лексычных формах, і перайшоў на мову. Ну не магу я ўжо перакласьці "draw the conclusions" інакш як "акрэсьліць высновы", не знаходжу тут ладных моўных сродкаў у "веліком і могучэм".
Сапраўды, пры назапашваньні моўнае практыкі робісься чуйнейшым да ўсялякага кшталту прыемных быццам бы дробязяў, што маюць месца ў беларускай мове. Тут, вядома ж, дадаецца той факт, што цяперашняя жывая мова фармуецца ў пэўнай ступені вольным чынам (асабліва ў тых асяродках, дзе няма "пільнага мовазнаўчага кантролю", напрыклад, у прыродазнаўчых навуках ці ў нефармальнай гаворцы). Адной зь першых асаблівасьцяў, якую я ўзяў на ўзбраеньне, было пашырэньне кола прыметнікаў са ступеньню параўнаньня (ня толькі "большы за" й г.д., але й "інтэнсіўнейшы", "часьцейшы"...). Другой знаходкай, надзвычай карыснай пры перакладзе з ангельскай мовы, было пашырэньне ўжытку поўных (не кароткіх) формаў прыметнікаў + асьярожнае (без злоўжываньняў) выкарыстаньне дзеяслова "ёсьць" (напр. "Разьвязак гэтай задачы ёсьць адзіным"). Адметна, што гэтыя асаблівасьці, як гаворыцца, інварыянтныя да пераўтварэньня нормаў правапісу (наркамаўка/тарашкевіца/...).
Існуе, між іншым, яшчэ адна даволі глыбокая рыса "моўнага характару", ад якой далёка ня кожны пазбаўлены (пераважна, вядома ж, у расейскамоўных колах пры сутыкненьні зь беларускай мовай). Пры вызначэньні ўжытку-няўжытку пэўнае формы, асабліва сінтаксычнай, досыць часта карыстаюцца каляніяльна-мысьленным крытэрам "каб нармальна можна было перакласьці на расейскую", але ж рэальным крытэрам ёсьць толькі адэкватнае аб'ектыўнае разуменьне й арганічнае ўспрыманьне формы.

Пражэктар asya_seventeen

Ля плошчы Якуба Коласа раздавалі георгіеўскія стужкі. Сказаў ім, што не нашу акупацыйнай сымболікі

У той час, на пачатку 90х, калі нацыянальна-арыентаваная інтэегенцыя мужна й адкрыта працавала на ніве беларускай справы, парлямэнцкая апазыцыя БНФ супраціўлялася струхнелай камуністычнай большасьці, асноўным чыньнікам разьвіцьця й каштоўнаснага ўсьведамленьня паспалітага беларускага люду (у т.л. і нас, малых і саплівых у той час) былі, вядома ж... тэлесэрыялы. Ёлы-палы, гэта ж сапраўная адзнака пакаленьня тых часоў. Паспрабую крыху прыгадаць...
Сьпярша - "рабыня Ізаўра" (амаль не памятаю), потым "багатыя тожа плачуць" (мексіканскі першахіт, мой 1шы кляс), "санта-барбара" (ЗША, канал "расея") потым - "проста Марыя" (гл. http://www.lenta.tv/uploads/pics/maria_19.jpg) "мая ўтарая мама" (абое - Мексіка, апошні паказвалі па БТ), "дзікая роза" (М), "мануэла", "страсьці" (абое - італьянамоўныя, не памятаю, зь якога краю, ішлі па 5м канале - пецярбургская тэлевізія), "Элен і рыбяты" (Францыя, упершыню пачуў убудаваны сьмех за кадрам); далейшыя шэдэўры ("Трапіканка" зь ейным "Сакрэтам" ды інш.) ішлі ўжо асобна ад мяне.
а вось сэрыяльная цяперашнейшчына (ДоктарХаўз і гд) нейк ну ня вабіць. дакладней, ламае на яе падсесьці, бо зашмат іншых альтэрнатыў баўленьня часу.

Учора адзін з маскоўскіх прафэсараў павіншаваў наўкіра зь днём пабеды. а сёньня ўраніцу даслаў са спасылкай на "Русскую лінію" навіну аб патэнцыйным перавозе муміі Леніна ў Менск
(НарВоля - http://www.nv-online.info/index.php?c=nw&i=28649)
Энтрапія падскочыла.

Ля ЦУМу нафарбаваныя дзявулі ў бы-народных беларускіх строях сьпяваюць "Падмаскоўныя вечэра". Усім - расстрэл бяз права перапіскі

Ня толькі ў нас умеюць жыстачайша змагацца з эктрэмізьмам, разізьмам, экалягічнымі праблемамі (у парадыгме наасфэры), карупцыяй, гандлем жэншчынамі, супрацьпяхотнымі мінамі і іншымі вострасацыяльнымі праявамі. Сама галоўнае - супрацоўнічаць з уладамі.

http://podrabinek.livejournal.com/29867.html